Аңдатпа
Жобаның мақсаты ресурстарды үнемдеуге негізделген шектеулі ресурстар жағдайында Қазақстанның мұнай-газ кешенінде «жасыл» экономиканы қалыптастырудың стратегиялық бағытын негіздеу және тетіктерін әзірлеу болып табылады.
Жобаның міндеттері:
- Мұнай және газ шикізатын ресурсты үнемдейтін пайдаланудың теориялық және әдістемелік негіздерін әзірлеу.
- Мұнай-газ кешенінің бар өндірістік әлеуетіне талдау жүргізу және мұнай-газ кешенінде «жасыл» экономиканы қалыптастыру мен дамыту қажеттілігін негіздеу.
- Қазақстан Республикасының мұнай-газ кешенінде «жасыл» экономиканы қалыптастырудың ұйымдастырушылық-экономикалық, нормативтік-құқықтық және заңнамалық тетіктерін әзірлеу.
Күтілетін нәтижелер:
— мұнай және газ шикізатын ресурсты үнемдейтін пайдаланудың теориялық және әдістемелік негіздерін әзірлеу;
— ресурстарды үнемдеуге негізделген мұнай-газ кешенінде «жасыл» экономиканы қалыптастыру қажеттілігін негіздеу;
— Қазақстан Республикасының мұнай-газ кешенінде «жасыл» экономиканы қалыптастырудың ұйымдастырушылық, экономикалық, реттеуші және заңнамалық тетіктерін әзірлеу.
2024ж. нәтижелері:
Мұнай-газ кешенінің шикізаттық даму моделінен ресурсты үнемдеу моделіне көшуінің алғышарттары анықталды. Мұнай-газ кешені кәсіпорындарының қоршаған ортаға әр түрлі ластанулар мен парниктік газдар шығарындыларынан экологиялық қауіп-қатерлер анықталды. Мұнай-газ кешенін экологияландыру дәрежесіне баға берілді және оның кәсіпорындарының экологиялық таза технологияларды енгізуге әлсіз бейімділігінің негізгі себептері анықталды.
Отандық басылымдарда 5 мақала жарияланды.
2025 ж. 1-тоқсанның нәтижелері:
Зиянды шығарындыларды азайту мақсатында ілеспе мұнай газын тиімді пайдалану үшін жоғары технологиялық газ-химия өндірістерін қалыптастыру қажеттілігі негізделді; мұнай-газ кешені салаларын декарбонизациялау бағыттары айқындалды; шикізатты кешенді пайдалану негізінде мұнай-химия кластерлерінің схемалары әзірленді.
Отандық басылымдарда 3 мақала, шетелдік басылымдарда 1 мақала жарияланған.