Қазақстан Республикасы Ғылым және жоғары білім министрлігі Ғылым комитетінің Экономика институты мен Ш. Есенов атындағы Каспий технологиялар және инжиниринг университеті (Yessenov University) бірлесіп, Сіздерді 2025 жылғы 22-26 қыркүйекте Ақтау қаласында өтетін «Каспий аймағы дәуірлер мен мәдениеттер қиылысында: орнықты даму парадигмасының сын—тегеуріндері мен перспективалары» атты халықаралық ғылым және білім форумына қатысуға шақырады
Форум «Ақтау – 2025 жылы түркі мәдени астанасы« іс-шаралары және ҚР ҒЖБМ Экономика институты мен Ш. Есенов атындағы Каспий технологиялар және инжиниринг университетінің ғылыми зерттеулері аясында, BR21882122 «Жасыл өсу контекстіндегі Батыс Қазақстан өңірінің табиғи-шаруашылық және әлеуметтік-экономикалық жүйелерінің орнықты дамуы: кешенді талдау, тұжырымдама, болжамдық бағалау және сценарийлер» жобасы бойынша, оны Әл-Фараби атындағы Қазақ ұлттық университеті бастаған Қазақстанның жетекші ғылыми ұйымдарының консорциумы іске асырады (https://ecokazwest.kz/).
Форумның мақсаты
Форумның мақсаты — ғылыми-білім беру, тарихи-мәдени және тәжірибеге бағдарланған тәсілдерді біріктіретін ғалымдар, бизнес өкілдері, мемлекеттік органдар мен азаматтық қоғам үшін халықаралық алаң ұсыну. Форум орнықты дамудың өзекті мәселелерін талқылауға және Батыс Қазақстанды түркі әлемінің мәдени мұрасы мен халықаралық туристік дестинацияның орталығы ретінде ілгерілетуге арналған.
Негізгі тақырыптық бағыттар
🔹 Экономикалық тұрақтылық: экономикалық өсу, индустрия және инновация, қаржылық тұрақтылық, тұрақты инфрақұрылым, ESG принциптері, жасыл және айналмалы экономика, тұрақты қалалар мен аймақтар, инклюзивті даму.
🔹 Әлеуметтік-мәдени тұрақтылық: адами ресурстарды дамыту, демографиялық тұрақтылық, қолжетімді білім беру және денсаулық сақтау, кедейлік пен теңсіздікті азайту, тұтыну мәдениеті, шығармашылық әлеует, мәдени мұраны сақтау.
🔹 Экологиялық тұрақтылық: климаттың өзгеруі, Жасыл энергетика, қоршаған ортаны қорғау, экожүйелерді қорғауға арналған цифрлық технологиялар, экологиялық тәуекелдер.
Форум отандық және шетелдік ғалымдарды, сарапшыларды, бизнес өкілдерін, мемлекеттік құрылымдар мен қоғамдық ұйымдарды біріктіреді.
«Caspian Nomad» Халықаралық семинары
Форум аясында табиғи және адами ресурстарды ұтымды пайдалану, сондай-ақ Каспий өңірі елдерінің ынтымақтастығын дамыту мәселелеріне арналған «Caspian Nomad» орнықты даму жөніндегі халықаралық семинар өтеді.
Қонақ спикерлер мен жаттықтырушылар:
- Стефан Пратт (АҚШ) — Орталық Флорида университетінің профессоры, Халықаралық туризм экономикасы қауымдастығының (IATE) атқарушы кеңесінің мүшесі, Орландо қ.
- Тунч Медени (Түркия) – Йылдырым Бейазит университетінің қауымдастырылған профессоры, Анкара қ.
Қосымша ақпаратты келесі контактілер арқылы алуға болады:
- Іс-шара беті: https://ieconom.kz/kz/ISEF2025
- e-mail: isef2025.ieconom.kz@gmail.com
- Бас директордың сыртқы байланыстар жөніндегі орынбасары Қалиева Сәуле, kalievas_@mail.ru, +7 701 396 9630.
- Ұйымдастыру комитетінің мүшесі Жанғалиева Қымбат, kymbat.zhangalieva@mail.ru, +7 702 864 1366